Kryeministri i Maqedonisë së Veriut, Zoran Zaev, të martën vonë lajmëroi se do ta shtyjë dorëheqjen e tij të shpallur për një kohë të pacaktuar, në përpjekje për të mbështetur shumicën aktuale të brishtë në parlament dhe për ta nxjerrë vendin nga kriza e tij politike. Mocioni ndaj Zaev pritet të dështojë pas lëvizjes se fundit të deputetit te partisë “Besa”, Kastriot Rexhepit. ky i fundit përmes një postimi në Facebook, ka shkruar se nuk do të votojë kundër rrëzimit të Qeverisë.
Rexhepi:
Një nga kauzat kryesore të mija dhe subjektit politik Lëvizja Besa që i përkas, ka qënë integrimi euro atlantik i RMV. Duke patur parasysh momentumin politik, pas shtyrjes të dorëheqjes nga kryeministri Zaev, për hir të procesit dhe sinjalet e forta nga partnerët strategjik SHBA dhe shtetet e BE-së që më janë komunikuar nga përfaqësues të lartë diplomatik, se në muajin dhjetor vëndi ka gjasa të mëdha të marë datë për fillim e bisedimeve për anëtarësim në BE, vendosa që mos të mar pjesë në seancën parlamentare ku duhej të meret vendim me të cilin do vihet në pikëpyetje ky pikësynim jetik kombëtar dhe shtetëror. Si politikan dhe deputet i përgjegjshëm, mora këtë vendim jo të lehtë duke i vënë interesin e popullit dhe shtetit në radhë të parë. Shteti në këtë periudhë të rëndësishme nuk ka nevojë për krizë politike dhe zhytje në ujëra të turbullta me plot të panjohura
