Një studim ka hedhur dyshime se cila është mosha për të bërë kontrolle për kancerin e qafës së mitrës, që është një sëmundje shkatërruese që prek zakonisht gratë në të 30-at e tyre.
Por një studim i kryer nga studiuesit e Qendrës Gjithëpërfshirëse të Kancerit të UC Davis zbuloi se gati një në pesë kancere të reja të qafës së mitrës të diagnostifikuar nga 2009-2018 në Kaliforni ishin te femrat e moshës 65-vjeç e lartë.
“Një numër alarmant i grave nga Kalifornia 65 vjeç e lart po përballen me diagnoza të kancerit të qafës së mitrës në fazën e vonë dhe po vdesin nga sëmundja”, shkroi ekipi hulumtues.
Studimi tregoi se 71 për qind e grave të moshës 65 vjeç e lart me kancer të qafës së mitrës kishin një diagnozë të vonuar, krahasuar me 48 për qind të grave më të reja. Studiuesit zbuluan gjithashtu se diagnozat në fazën e vonë u rritën deri në moshën 79 vjeç.
Udhëzimet aktuale të kancerit të qafës së mitrës të lëshuara nga Qendrat për Kontrollin dhe Parandalimin e Sëmundjeve në Britani rekomandojnë që të bëni një Pap test nëse jeni midis 21 dhe 65 vjeç. Është e rëndësishme që të kontrolloheni nga një mjek i përgjithshëm nëse keni ndonjë simptomë të kancerit të qafës së mitrës.
Simptomat përfshijnë:
- gjakderdhje vaginale që është e pazakontë për ju, duke përfshirë gjatë ose pas seksit, midis periodave ose pas menopauzës. Ju gjithashtu mund të keni perioda më të rënda se zakonisht
- ndryshimet në sekrecionet tuaja vaginale
- dhimbje gjatë seksit
- dhimbje në pjesën e poshtme të shpinës, midis kockave të ijeve (legenit) ose në pjesën e poshtme të barkut
Ju mund të jeni mësuar me simptoma të tilla nëse keni fibroid ose endometriozë, por është e rëndësishme të kontrolloheni nëse ato ndryshojnë ose përkeqësohen. Pas kontrollit, nëse gjendet virusi, mostra testohet për të parë nëse qelizat kanë shfaqur shenja ndryshimi, të cilat mund të trajtohen përpara se të kthehen në kancer.
