Një qytetar ka ngritur shqetësimin për situatën e qarkullimit në rrugën “Hasan Vathi”, në zonën e Institutit, ku sipas tij automjetet e parkuara në të dyja anët e rrugës po vështirësojnë ndjeshëm lëvizjen.
Sipas denoncimit të mbërritur në redaksinë tonë, ndërsa policia ushtron kontrolle ndaj tregtarëve ambulantë dhe bizneseve që zënë trotuaret, mbetet i pazgjidhur problemi i automjeteve të parkuara që bllokojnë rrugën dhe krijojnë vështirësi për kalimin e mjeteve.
“Si kjo rrugë janë pothuajse të gjitha rrugët në këtë zonë. Nuk ke ku të kalosh me makinë, sepse rruga është e zënë nga automjetet e parkuara në të dyja anët”, shprehet qytetari, i cili kërkon ndërhyrjen e autoriteteve për të zgjidhur situatën.
