Banorët e Njësive Administrative Surroj dhe Kolsh protestuan përpara Bashkisë së Kukësit dhe kërkuan ndërtimin e aksit rrugor Kukës-Surroj, që është prej vitesh në gjendje të degraduar.
Ata theksuan se rruga është jetike për lidhjen e fshatrave me qytetin dhe se premtimet e ministres Balluku për ndërtimin e saj nuk janë realizuar.
Gjendja e rrugës përkeqësohet sidomos gjatë reshjeve dhe vështirëson lëvizjen e banorëve. Të revoltuar nga mungesa e ndërhyrjes, ata paralajmëruan bojkot të zgjedhjeve të 11 Majit nëse nuk merret një vendim konkret për ndërtimin e saj.
Bashkia e Kukësit sqaroi se rruga do të ndërtohet nga Fondi Shqiptar i Zhvillimit dhe se aktualisht projekti ndodhet në fazën e prokurimit.
