Një denoncim ka mbërritur ne redaksinë tonë nga një banor i fshatit Babunjë të Divjakës.
Ai ka ngritur një shqetësim në emër të të gjithë banorëve të zonës, ku duket qartazi gjendja skandaloze e një prej rrugëve të fshatit Babunjë.
Qytetari shkruan: “ Përshëndetje, në fshatin Babunjë të Divjakës erdhën hapën rrugën për kanalizimin e ujrave dhe si përfundim e lanë ashtu, mjafton një shi dhe shikoni se çfarë bëhet”.
Kryetari i Bashkisë Josif Gorrea, duket se në ditë me shi është i përgjumur dhe nuk e shikon dot gjendjen në të cilën i lë rrugët që ka në administrim bashkia e tij.
Vetëm një vend si Shqipëria që synon antarësimin në Bashkim Evropian, ndodh që rrugët të jenë të përlyera në baltë njëlloj si politika e këtij vendi!
Ndonëse duket qartë që infrastruktura në rrugë ka munguar gjithmonë dhe Josifi ka harruar se rrugët e bashkisë duhet të asfaltohen, gjendjen e përkeqësojnë akoma më tepër vetë punonjësit e kanalizimeve, të cilët pas përfundimit të punës nuk riparojnë dëmet që shkaktojnë, se për riparime as që bëhet fjalë.
U bëjmë thirrje autoriteteve të marrin masat e nevojshme duke u ardhur në ndihmë banorëve të kësaj zone për tu ofruar minimalisht një rrugë të kalueshme.
