Më shumë se sa vërtetë kujdes për veten e të tjerët, mbajtja e maskës dhe respektimi i distancimit social në një periudhë pandemie si kjo e koronavirusit, po bëhet ‘sa për sy e faqe’.
I tillë është rasti i Presidentit të Shqipërisë, Ilir Meta.
Vetëm një ditë më parë, Meta priti në Presidencë në një takim, ekipin e mjekëve dhe infermierëve të ardhur nga Italia, që do trajnonin edhe strukturat tona shëndetësore, në luftën ndaj COVID-19.
Teksa i falënderonte nga zemra, binte në sy se të gjithë ishin të pajisur me maska mbrojtëse, madje edhe vetë Iliri.
Ndërkohë, ditën e sotme Meta ishte i pranishëm në Panairin e Artizanatit në qytetin e Shkodrës.
Teksa vizitonte stendat e panairit, ai shoqërohej edhe nga kryetarja e bashkisë së Shkodrës, Voltana Ademi.
Ajo që binte në sy, krejtësisht ndryshe nga 24 orë më parë, për Metën dhe të pranishmit e tjerë nuk kishte asnjë masë sigurie mbi COVID-in.
As maska, dhe as distancim social. Në panair, madje kishte kërcitur edhe vallja.
Kaq shpejt i iku kujdesi Ilir Metës, apo presidentin nuk e kap koronavirusi dhe nuk ka frikë?!
Apo maskën e mbajmë vetëm për sy e faqe me të huajt, dhe me shqiptarët nuk e vrasim shumë mendjen?
Ilir Meta, 11 gusht 2020, me italianët…
Ilir Meta, 12 gusht 2020, me shqiptarët…
/Gazetaatdheu.com/
