Personi në foto është Saimir Koka, truproja i Ulsi Manjës, i cili dhunoi qytetarët që ndodheshin në kafene. Këta të fundit fërshëllyen në momentin që kaloi Ulsi Manja dhe ky gjest në shenjë revolte, u dënua nga ministri Manja i cili urdhëroi truprojen të dhunonte protestuesit.
Në videon që publikuam pak orë më parë, truproja u pa duke goditur me shkelma e grushte qytetarët që ndodheshin në lokalin ngjitur me Kuvendin e Shqipërisë. Më pas, situata u përshkallëzua, duke sjellë përplasje fizike mes protestuesve dhe efektivëve të policisë të cilët shkuan me vonesë në vendngjarje dhe madje përdorën dhe ata dhunë.
