Mediat italiane kanë nxjerrë detaje të tjera në lidhje me ish-kreun e mafias italiane Matteo Messina Denaro.
Sipas tyre, ai kishte profile të rremë në Facebook dhe Instagram. Bosi i mafies u arrestua më 16 janar të vitit të kaluar në një klinikë private në Palermo, ku po trajtohej nga kanceri, pas 30 vitesh në arrati dhe vdiq më 25 shtator 2023, në spitalin San Salvatore në Coppido.
Mësohet se pseudonimi i tij ishte Francesco Averna. Në Facebook ai kishte 4 miq, duke përfshirë tre gra nga Campobello di Mazara (qyteti ku jetonte) dhe një dyqan veshjesh sportive nga Partanna.
Ndërsa në Instagram ndiqte 447 profile dhe kishte 63 ndjekës. Fotoja e tij? Një qen i vogël me një qafore.
Siç shkruan La Repubblica, Matteo Messina Denaro u prezantua në rrjetet sociale si Dr Francesco Averna, “kirurg, i diplomuar në Universitetin Boçoni në Milano, beqar”.
Sipas hetimeve, bossi i mafies përdorte Facebook-un për mesazhe private: kishte shumë gra me të cilat shkëmbente batuta, disa prej të cilave i kishte takuar. Në bisedat e tjera ai fliste për jetën e tij normale, mes klubeve dhe palestrave.
Në vitin 2013, në Facebook kishte dalë në kërkim Messina Denaro. Në atë kohë dyshohet se shefi i mafies bisedonte me motrën e tij Anna Patrizia, e cila kishte zgjedhur emrin e një perandoreshë romake, Lucilla.
