FDA ose Administrata Amerikane e Ushqimit dhe Barnave ka dhënë një dritë jeshile për dozat përforcuese të vaksinave të kompanive Moderna dhe Pfizer kundër Covid-19 për të gjithë të rriturit në SHBA. Lajmi është konfirmuar ditën e premte nga ana e kompanive. Me këtë autorizim të gjithë amerikanët mbi 18 vjeç që e kanë marrë dozën e dytë të vaksinave Pfizer / BioNTech ose Moderne të paktën gjashtë muaj më parë do të jenë në gjendje të marrin edhe dozat e treta.
CEO-ja e Moderna-s, Stéphane Bancel:
Ky autorizim i përdorimit emergjent vjen në një kohë kritike ndërsa ne hyjmë në muajt e dimrit dhe përballemi me numrin në rritje të rasteve me COVID-19 dhe shtrimeve në spital në të gjithë vendin.
