Dhoma e Përfaqësuesve e kontrolluar nga republikanët miratoi, të enjten, legjislacionin që do t’i ndalonte transgjinorët të garojnë në atletikën e shkollave femërore.
Ligji për Mbrojtjen e Grave dhe Vajzave në Sport e përkufizon seksin si “të bazuar vetëm në biologjinë riprodhuese dhe gjenetikën e një personi në lindje”.
Projektligji u miratua me një votim ku të gjithë republikanët votuan po dhe të gjithë demokratët jo, raporton CNN.
Shtëpia e Bardhë ka thënë gjithashtu se Presidenti Joe Biden do të vërë veton ndaj masës, për të cilën tha se “vë në shënjestër njerëzit për atë që janë dhe për këtë arsye është diskriminuese”, nëse do të arrinte në tryezën e tij.
Përpara votimit, gratë republikane të Dhomës së Përfaqësuesve u mblodhën pas projektligjit, me kryetaren e Konferencës së GOP, Elise Stefanik të Nju Jorkut, një ish-lojtare e shkollës së mesme, duke e quajtur ndalimin e sporteve transgjinore “një çështje fituese në të gjithë Amerikën”.
