Një incident i ndodhur në autostradën Elbasan-Tiranë ka ngritur shqetësime në lidhje me sjelljen e papërshtatshme të një zyrtari të lartë të policisë.
Shefi i Komisariatit të Policisë në Elbasan i cili lëviz me një mjet tip Land Rover me targa AA 450 ZL ka “terrorizuar” drejtuesit e tjerë të automjeteve në autostradën Elbasan-Tiranë.
Sipas drejtuesit të mjetit që ka denoncuar situatën, ky veprim i rrezikshëm ndodh çdo ditë, duke ngritur pikëpyetje nëse do të ndërmerren masa disiplinore ndaj tij.
Drejtuesit e mjeteve dhe qytetarët e shqetësuar kanë bërë thirrje për ndërhyrje nga autoritetet për të ndaluar këtë sjellje të papranueshme, duke kërkuar që të sigurohet siguria e të gjithë përdoruesve të rrugës.
