Transmetimi i Covid-19 “është komunitar, nuk është më vatër ku dihet sa të infektuar janë. E kemi parë që në të gjithë qytetet kryeson Tirana, Durrësi, me infektimet, sepse nuk dihet më se ku mund të infektohesh”.
Deklarata bëhet nga shefi i Urgjencës Kombëtare, Skënder Brataj.
Autoritetet shëndetësore në vend duhet të ndryshojnë strategji, dhe sipas Organizatës Botërore të Shëndetit:
Në rastin e transmetimit komunitar, identifikimi i rasteve individuale, gjurmimi i kontaktit dhe karantinimi nuk janë më të nevojshme.
Burimet duhet të përqendrohen në monitorimin e përhapjes dhe karakteristikave të virusit, identifikimin dhe administrimin e rasteve të rënda, parandalimin e transmetimit të mëtejshëm të virusit, lehtësimin e shërbimit të kujdesit shëndetësor, informimin e publikut dhe zvogëlimin e ndikimit të përgjithshëm të virusit në shoqëri dhe në ekonomi.
Autoritetet duhet të mbikëqyrin përhapjen gjeografike, intensitetin e transmetimit, popullsinë e prekur, veçoritë virologjike dhe ndikimet në shërbimet e kujdesit shëndetësor.
Strategjitë e testimit duhet të zhvendosen drejt monitorimit të intensitetit të transmetimit.
Gjithashtu, çdo kufizim hyrje që ka për qëllim ndalimin e rasteve me COVID-19 nuk është më e nevojshme dhe duhet të tërhiqet.
/Gazetaatdheu.com/