Shumë fshatra në Shqipëro po vuajnë nga mungesa e mjekëve. E njëjta gjë ndodh edhe në Bulqizë ku fshatrat po vuajnë për shkak të mbylljeve të qendrave ambulatore.
Dushaj dhe Lepuraka në njësinë administrative Fushë Bulqizë, kanë pesë vjet pa qendër shëndetësore. Banorët thonë se “nuk arrijmë ta marrim shërbimin shëndetësor pasi deri më sot nuk kemi parë asnjë mjek që të vije për shërbim.
Sipas tyre, më e vështirë bëhet në dimër, pasi rrugët bllokohen nga dëbora.
“Më të vështirë e kemi gjatë dimrit pasi rrugët bllokohen për shkak të dëborës, ka pasur raste edhe të rënda që i kemi mbajtur ne krahë”- shprehen ata.
