Shënjestër e atentatit të djeshme dyshohet të ketë qenë daja i viktimës shtetasi Edmond Crroj, 41-vjeç. Sipas hetimeve të deritanishme, mësohet se Crroj, rezulton të jetë i akuzuar në Itali për trafik droge dhe ka precedent të theksuar kriminal jashtë vendit. Kujtojmë se gjatë ditës së djeshme në një lokal në zonën e Don Bokos, persona të paidentifikuar qëlluan me armë zjarri 4 shtetas dhe më pas u larguan në drejtim të Laprakës. Viktimë e atentatit mbeti Erion Çela, 35-vjeç, ndërsa u plagosën rëndë Arben Dani 46-vjeç, Azbi Selimaj 19-vjeç, Blerim Çela 28-vjeç, Edmond Crroj 41-vjeç.
