Zgjedhjet lokale thuajse në të gjithë vendin janë shoqëruar me një sërë parregullsish, por nuk kanë munguar edhe përplasjet fizike.
Përplasja e fundit është shënuar në Roskovec, ku kandidati i “Bashkë Fitojmë” Erdit Hazizaj ka goditur me grushte dy qytetarë në Qendrën e Votimit 3061.
Raportohet se qytetarët e dhunuar prej tij janë Andrea Hatia dhe Taulant Cjapi. Në vendngjarje ka mbërritur Policia, e cila po bën veprimet përkatëse dhe nuk dihet ende nëse është shoqëruar apo jo ndonjë person.
Nuk dihet se cili ishte motivi i sulmit pasi në nisje të procesit të votimit Roskoveci dhe dy kandidatët përkatës të PS dhe ‘BF’ na u shfaqën si shembull i paqes, duke konsumuar kafen e mëngjeait bashkë.
