Një grindje e ashpër ka shpërthyer mëngjesin e së dielës në tregun e Milotit. Dy vëllezër kanë dhunuar një burrë 58-vjeçar, i cili për t’u mbrojtur i ka sulmuar dhe plagosur me thikë. Të dy vëllezërit Armando Prendi dhe David Prendi bashkë me personin që u konfliktuan, Paulin Gjergjin, përfunduan në spital.
Policia e Lezhës tha se rreth orës 07:15, në vendin e quajtur tregu i Milotit, Kurbin, pas një konflikti të çastit, shtetasit A.P.,27 vjeç dhe D.P.,19 vjeç (vëllezër), banues në fshatin Pllanë, Lezhë, kanë goditur me mjete të forta shtetasin P. Gj., 58 vjeç, banues në fshatin Gajysh, Lezhë, i cili i ka goditur me mjet të mprehtë thikë duke i shkaktuar dëmtime të dy vëllezërve, të cilët janë transportuar në spitalin Rajonal Lezhë dhe ndodhen nën kujdesin e mjekëve, jashtë rrezikut për jetën.
Sherbimet e Policisë dhe grupi hetimor kanë shkuar menjëherë në vendngjarje dhe po punojnë për sqarimin e plotë të shkakut dhe rrethanave të ngjarjes.
