"Sherr" mes Floriana Garos dhe vjehrrës së saj, shkak Berisha

“Sherr” mes Floriana Garos dhe vjehrrës së…

Ish-moderatorja e njohur, Floriana Garo pasi zgjodhi të përfshihej në politikë, shpeshherë është bërë kryefjalë e shkrimeve në median online.

Një tjetër fakt interesant mbi jetën e Garos është që edhe vjehrra e saj njihet për qëndrimet kundër ish-liderit historik të PD-së.

Këtë të enjte,  Ratkoceri ka komentuar situatën në PD dhe raportet që me nusen e djalit, në këtë rast Garo, pasi kjo e fundit u rreshtua krah Berishës. Sipas saj, me Florianën ka bërë një pakt, pasi të dyja kanë bindje politike të djathta, por që “ndahen” tek strategjia e partisë.

Ratkoceri shton duke thënë se marrëdhëniet me Florianën  i ka shumë të mira, madje e konsideron si shoqe, pavarësisht se çfarë mendojnë për politikën dhe demokracinë.

Lumturi Ratkoceri:

Prej kohësh Berisha hodhi poshtë bashkëpunëtorët e tij të ngushtë për Bashën dhe kjo që po ndodh tani duhet të kishte ndodhur para 4 viteve , kur Basha humbi në 2017. Por jo tani, se tani tregon që çdo gjë që Sali Berisha bën, nuk ka asnjë lidhje me demokratizimin e PD. Momenti kur Berisha vendosi të reagojë ishte momenti ku u prek interesi i tij.

Me Florianën ne kemi bërë një pakt, ne jemi të dyja të djathta, objektivi që Shqipëria të jetë shtet i së drejtës, ne ndahemi tek strategjia dhe se kush do ta bëjë atë. Duke qenë se kam një eksperiencë më të gjatë jete, se dikur në 2011 të njëjtin mendim kam ndarë dhe unë për Berishën , ndryshimi im ndodhi në 2011.

Zhgënjimi ndodhi kur pashë realisht se kush ishte kjo qeveri që unë e adhuroja Berishën, dhe kontraditat e para ishin me tim atë i cili thoshte mos ma sha Sali Berishën.

Tani me nusen time duke qenë se kishim një mendim ndryshe për strategjinë , ne bëmë një pakt , çfarë kemi dashurinë, lidhjen tonë, se ne jemi si shoqe, s’ka asnjë lidhje me atë çfarë ne mendojmë politikisht dhe kjo është demokracia, tolerance. U përpoqa t’ia ndryshoj mendjen, dhe argument i saj është kush mundet ta bëj këtë gjë.Dhe fakti që Rama është bërë i plotfuqishëm për faj të Bashës, tani duhet thënë që Berisha është një manipulator i jashtëzakonshëm, nuk është se këta të rinj janë antiamerikan. Nusja ime dhe të rinjtë që janë aty, janë idealist.

Më Të Klikuarat

Lajmet e fundit