Një 19-vjeçar ka mbetur i plagosur me thikë në Sarandë. Ngjarja ka ndodhur pasditen e kësaj të diele, pas një sherri mes disa të rinjve.
Mësohet se i plagosur ka mbetur shtetasi me iniciale R.A, i cili është dërguar në spital ku është nën kujdesin e mjekëve.
Burimet bëjnë të ditur si i riu ka katër goditje me thikë.
Njoftimi i policise
Më datë 10.01.2021, rreth orës 15:45, në Sarandë, pas një konflikti të çastit, është goditur me mjet prerës (thikë), shtetasi P. A, 19 vjeç, i cili është dërguar në spital nën kujdesin e mjekëve, jashtë rrezikut për jetën.
Autori i ngjarjes dyshohet se është shtetasi M. B, dhe shërbimet e Policisë janë vënë në ndjekje të tij.
Grupi hetimor ndodhet në vendngjarje dhe po punon për zbardhjen e ngjarjes.
