Fotografët kanë arritur të kapin një pamje të pazakontë në Australi, ku në qiell duket një vijë e meteroidëve të vendosur njëri pas tjetrit.
Personat që arritën ta shihnin këtë pamje kanë mbetur të mrekulluar nga kjo shfaqje qiellore që ndriçoi Australinë lindore rreth orës 5 të mëngjesit.
Megjithatë pavarësisht se gjasat më të mëdha janë që të kenë qenë meteroidë, nuk kanë munguar ata që pretendojnë se kjo dukuri lidhet me projektin e Elon Musk.
Shumë përdorues të rrjeteve sociale kanë thënë se kjo është pjesë e projektit të miliarderit, “Space X”, qëllimi i të cilit është përmirësimi i shpejtësisë së internetit në zonat e largëta.
Që nga viti 2018 janë shpërndarë mbi një mijë satelitë nëpërmjet projektit Starlink.
Qëllimi i Musk është të shesë aksesin në internet me shpejtësi të lartë, në të gjithë globin, kudo ku ka zona që kanë probleme me internetin.
