Një banesë në Lushnje pasditen e sotme është përfshirë nga flakët.
Burime bëjnë me dije se flakët kanë djegur banesën në lagjen “Kadri Qystri”, dhe shkak për këtë dyshohet se ka qenë një bombol gazi e cila përdorej për ngrohje.
Mësohet se në banesë jetonte vetëm 84- vjeçari, Hasan Sharka, i cili për fat të mirë ka shpëtuar mrekullisht, ndërkohë banesa është shkrumbuar totalisht.
Zjarri nuk është shpërndarë tek banesat e tjera, falë ndërhyrjes së zjarrëfikësve. Sakaq, Sharka aktualisht po jeton tek të afërmit.
