Inspektorati Kombëtar i Mbrojtjes së Territorit ka gjobitur me 5 milionë lekë të vjetra Fabrikën e Peshkut në Lezhë. Ndërsa drejtori i saj, shtetasi G.A., 37 vjeç, banues në Ishull Lezhë është proceduar penalisht.
Burime zyrtare bëjnë me dije se IKMT dhe policia, gjatë kontrollit, konstatuan se fabrika e përpunimit të peshkut, shkarkonte mbetjet në rrjetin e kanalizimeve të ujësjellësit në Shëngjin.
Policisë Lezhë ka proceduar penalisht 37 vjeçarin dhe IKMT-ja e ka gjobitur subjektin me masë administrative 500 mijë lekë (të reja) si dhe do të ndërpresë lidhjen me rrjetin e kanalizimeve.
