Policia rrugore në Tiranë ka gjobitur disa këmbësorë dhe drejtues patinash elektrike pasi kanë shkelur rregullat e qarkullimit rrugor.
Policia rrugore ka publikuar disa pamje ku vihen re këmbësorët që kalojnë në rrugën e makinave pa respektuar semaforin, ndërsa patinat elektrike kalojnë në korsi jo të dedikuara për to, duke vënë në rrezik edhe jetën.
Çdo rrugë e kryeqytetit është e monitoruar nga policia rrugore, të cilët i bëjnë thirrje qytetarëve të respektojnë rregullat e qarkullimit rrugor.
Njoftimi i policisë:
Në këtë video shfaqen disa përdorues të patinave elektrike, si dhe këmbësorë, duke lëvizur në korsi jo të dedikuara për to, por në kundërshtim me rregullat e qarkullimit rrugor dhe duke rrezikuar jetën.
Komisariati i Policisë Rrugore Tiranë monitoron çdo rrugë të kryeqytetit dhe i bën thirrje çdo qytetari të respektojë rregullat e qarkullimit rrugor.
