Mamuthët e leshtë mund të mos i përkasin më historisë, pasi mund të jenë përsëri pjesë e botës së kafshëve në epokën që po jetojmë.
E gjitha kjo falë përpjekjeve të shkencëtarëve që janë në procesin e rimishërimit të kafshës së epokës së akullnajave, me një plan për ta rikthyer atë në vetëm katër vjet. Lajmi për kthimin e kafshës gjigante u dha nga kompania bioteknike Colossal, e cila po punon në rimishërimin e saj, pasi e kishte filluar projektin në vitin 2021.
Kohët e fundit kompania mori 60 milionë dollarë financim për ‘Seri A’, e cila do t’i ndihmojë ata të vazhdojnë punën e redaktimit të gjeneve që kërkohet për të rikthyer në jetë kafshën. Firma tha se ata po planifikojnë të rifusin mamuthin e leshtë në të njëjtin ekosistem ku jetonte dikur. Kjo mund të ndihmojë Tokën, pasi kafsha lufton ndryshimet klimatike. Duke qenë se ajo ka modele të mëdha migrimi do të ndihmojë në përmirësimin e ekosistemit të Arktikut, raportojnë mediat e huaja.
Plani fillestar ishte rifutja e kafshës në Siberi, por kjo u rimendua. Sipas Colossal, ADN-ja e mamuthit të leshtë përputhet 99.6 për qind me elefantin aziatik, kjo është arsyeja pse ata besojnë se mund ta kthejnë atë.
“Në mendjen e shumë njerëzve, kjo krijesë është zhdukur përgjithmonë. Por jo në mendjen e shkencëtarëve tanë, as në laboratorët e kompanisë sonë. Ne jemi tashmë në procesin e ringjalljes së mamuthit të leshtë. Ekipet tona kanë mbledhur mostra të qëndrueshme të ADN-së dhe po redaktojnë gjenet që do ta lejojnë këtë”, tha një shkencëtar.
Kafsha do të sillet në jetë përmes modifikimit të gjeneve, i cili do të përdoret për të krijuar një embrion vigan të leshtë. Ky embrion më pas do të implantohet në një elefant afrikan që do të veprojë si një zëvendësues. Megjithatë, kompania deklaroi se kafsha e re mund të mos jetë një përputhje e saktë biologjike me atë që po zëvendëson, por më tepër një hibride.
“Projekti historik i Colossal do të jetë ringjallja e Mamuthit të Leshtë ose më konkretisht një elefant rezistent ndaj të ftohtit me të gjitha tiparet kryesore biologjike të Mamuthit të Leshtë. Ai do të ecë si një mamuth i leshtë, do të duket si një i tillë, por më e rëndësishmja do të jetë në gjendje të banojë në të njëjtin ekosistem të braktisur më parë nga zhdukja e Mamuthit”, thanë shkencëtarët.
