Shkencëtarët kanë paralajmëruar se ndryshimet klimatike mund të rizgjojnë viruset “Zombi” që kanë qenë të ngrirë në tokë për 48,500 vjet. Temperaturat më të ngrohta në Arktik po shkrijnë ngricat e përhershme të rajonit, shtresën e ngrirë përgjithmonë nën sipërfaqen e Tokës. Sakaq studiuesit po përpiqen të vlerësojnë se sa rrezik të madh mund të paraqesin për njerëzit bakteret dhe viruset e bllokuara dhe po ringjallin me kujdes disa prej tyre.
“Fatmirësisht, mund të shpresojmë në mënyrë të arsyeshme se një epidemi e shkaktuar nga një bakter patogjen prehistorik i ringjallur mund të kontrollohet shpejt nga antibiotikët që kemi në dispozicion edhe pse bakteret që mbajnë gjene rezistente ndaj antibiotikëve duket se janë çuditërisht të përhapura”, bënë të ditur autorët e një studimi të botuar në shkurt.
Ata paralajmëruan se situata do të ishte shumë më katastrofike në rastin e sëmundjeve të bimëve, kafshëve ose njerëzve të shkaktuara nga ringjallja e një virusi të lashtë, për të cilin nuk do të kishte asnjë trajtim specifik ose vaksinë të disponueshme menjëherë.
Jean-Michel Claverie dhe ekipi i tij raportuan se kishin arritur të izolonin dhe ringjallënin disa viruse të lashta nga ngrica e përhershme, duke përfshirë një lloj virusi gjigant (Pithovirus) i gjetur në një mostër 27,000-vjeçare. Shumica e viruseve të izoluara ishin të familjes Pandoraviridae, një familje virusesh të ADN-së me dy zinxhirë që infektojnë organizmat njëqelizorë.
Shkencëtarë të tjerë në Rusi aktualisht janë duke gjurmuar për “paleoviruse” direkt nga mbetjet e ruajtura nga ngricat e përhershme të mamuthëve, rinocerontëve të leshtë ose kuajve prehistorikë, raporton Euronews.
“Pa nevojën për të nisur një projekt kaq të rrezikshëm, ne besojmë se rezultatet tona me viruset që infektojnë Acanthamoeba mund të formojnë shumë viruse të tjera të ADN-së që mund të infektojnë njerëzit ose kafshët,” shkruajtën Claverie dhe ekipi i tij.
Ata paralajmëruan se ka të ngjarë që viruse ende të panjohura të shfaqen, ndërsa ngrica e përhershme shkrihet.
“Për sa kohë këto viruse mund të mbeten infektues pasi të ekspozohen ndaj kushteve të jashtme (drita UV, oksigjeni, nxehtësia) dhe sa gjasa do të kenë ata të takojnë dhe infektojnë një host të përshtatshëm në interval, është ende e pamundur të vlerësohet. Por rreziku rritet kur kujtojmë ngrohjen globale, në të cilën shkrirja e ngricave të përhershme do të vazhdojë të përshpejtohet dhe më shumë njerëz do të popullojnë Arktikun në vazhdën e sipërmarrjeve industriale”, thanë ata.
