Një ekip biologësh detarë përdorën rrjeta për të kapur 16 lloje peshqish në thellësi të detit. Specie që kanë evoluar aftësinë për të qenë të padukshëm për gjahun dhe grabitqarët.
Luspat “ultra të zeza” duket se janë një përshtatje evolucionare që i ndihmon peshqit të maskohen në detin e thellë, i cili ndriçohet nga organizmat biolumineshent.
Ka të ngjarë të ketë më shumë, dhe potencialisht të tjera specie shumë më të errëta, peshq ultra të zinj që enden thellë në oqean.
Studiuesit, të cilët publikuan gjetjet e tyre të enjten në Current Biology, e kapën specien pasi hodhën rrjeta më shumë se 200 metra thellë pranë Gjirit Monterey të Kalifornisë. Në ato thellësi, rrezet e diellit mezi futen. Kjo është një arsye pse shumë specie të detit të thellë kanë evoluar aftësinë për të ndriçuar ujërat e errëta përmes biolumineshencës.
Për të kundërshtuar biolumineshencën, disa specie kanë evoluar lëkurën ultra të zezë që është jashtëzakonisht e mirë në thithjen e dritës. Vetëm disa lloje të tjera e zotërojnë këtë tipar të çuditshëm, duke përfshirë disa spece zogjsh dhe disa merimanga e flutura.
