Kristiano Ronaldo nuk u thirr nga Andrea Pirlo për ndeshjen e Kupës së Italisë ndaj SPAL-it dhe ai e shfrytëzoi rastin për të kaluar një natë larg nga shtëpia me të dashurën e tij Xheorxhina Rodrigezin për të festuar ditëlindjen e saj të 27-të.
Ky lajm u bë me bujë pas një Story në rrjetin social “Instagram” e cila më vonë u fshi, megjithatë, tregon shumë pasi festuan në një hotel në malin e zonës Kurmajor, e cila ndodhet midis Torinos dhe Francës, duke shkelur rregullat anti-COVID, të dy krahinat Piemonte dhe Valle d’Aosta janë në zonën portokalli të lëvizjes dhe për këtë arsye lëvizjet jashtë rajonit nuk janë lejohen përveçse për arsye pune ose shtëpi të dyta. Policia gjithsesi po kryen hetime.
Përveç qëndrimit në hotel, siç raportohet nga “La Stampa”, çifti bëri një udhëtim me motor dëbore në zonën “Val Veny”. Ronaldo dhe Xheorxhina nuk kanë marrë ende gjoba, por ka të ngjarë që sanksioni, prej 400 eurosh, të arrijë në ditët në vijim.
