Pushimet janë të nevojshme për çdo person, por duket sikur shqiptarëve çdo gjë i’u bëhet me të padrejtë.
Relaksi i fundjavës pranë detit, i’u doli për hundësh qindra pushuesve që ishin nisur apo ktheheshin nga Jugu.
Mijëra qytetarë që kishin zgjedhur bregdetin e Jugut për të pushuar, pasditen e sotme kanë mbetur të bllokuar në trafikun kilometrik në Vlorë.
Siç shihet në pamjet e mëposhtme të ardhurra në redaksinë e “Gazetaatdheu.com”, situatë e rënduar shfaqet në Rradhimë.
Aty ku për minuta të tëra makinat nuk po lëvizin nga vendi dhe rradha është bërë kilometrike.
Sipas dëshmitarëve, është krijuar një trafik i gjatë rreth 20 km, nga Vlora në Orikum.
Kjo, sepse pushuesit janë duke u kthyer drejt shtëpive të tyre. Ata janë shprehur të revoltuar, duke thënë se “iu është nxirë dita e plazhit”.
Të detyruar nga pritja e gjatë por edhe nga temperaturat e larta, shumë qytetarë kanë dalë jashtë makinave të tyre.
Një situatë e ngjashme është paraqitur edhe në Durrës, më konkretisht në Gjirin e Lalzit, ku shumica dërrmuese e automjeteve janë në kundravajtje.
E gjithë kjo situatë e rënduar ndodh teksa jemi në fillim të sezonit turistik, pas izolimit për shkak të Covid-19.
Në gjithë këtë situatë, shteti s’duket asgjëkundi dhe ky është një sinjal alarmi për mbarëvajtjen e sezonit turistik këtë verë./Gazetaatdheu.com/
[ngg src=”galleries” ids=”90″ display=”basic_imagebrowser”]