Pas ngjarjes së rëndë në Kosovë, ku pas sulmit me kallashnikov të autobusit me nxënës mbetën të vdekur 3 persona, shoferi dhe dy nxënës, kryetari i Deçanit, Bashkim Ramosaj, ka njoftuar se sot në Deçan, komunën ku ndodhi tragjedia do të ndizen qirinj në shenjë proteste dhe solidarizimi për rastin e mbrëmshëm që mori 3 jetë.
Postimi i plotë i tij:
Të dashur qytetarë të komunës së Deçanit,
Ju ftoj që sot, në ora 16:00, të takohemi në qendër të qytetit, për të ndezur qirinjë në shenjë proteste dhe solidarizimi me familjet që mbrëm tragjikisht humbën më të dashurit e tyre!.