Islanda Jugore është futur në gjendje të jashtëzakonshme për shkak të shpërthimit të një vullkani në gadishullin Reykjanses. Ky është shpërthimi i katërt që nga muaji dhjetor, dhe sipas ekspertëve mendohet te jetë më i fuqishmi.
Mediat lokale kanë raportuar për një përhapje shumë të madhe të llavës, e cila deri më tani ka arritur në mbrojtjen lindore rreth qytetit të evakuuar Grindavik. Pamjet e shpërthimit treguan re tymi dhe magmë të ndezur që rrjedhin dhe flluskojnë nga vrimat në tokë.
Nga shpërthimi fatmirësisht nuk është prekur aeroportin kryesor ndërkombëtar, i cili shtrihet në veri-perëndim të Grindavik. Sipas shërbimit të mbrojtjes civile të vendit, shpërthimi filloi pas orës 20:00 me orën lokale të shtunën. Dy rrjedha llave kanë lëvizur në perëndim dhe në jug.
Një ekspert i fatkeqësive natyrore në Agjencinë Meteorologjike Norvegjeze, tha se gaze të rrezikshme dhe shpërthime të vogla mund të ndodhin nëse llava bie në kontakt me ujin e detit. Ndërkohë, llava që lëviz drejt perëndimit po shkon në drejtim të Lagunës Blu dhe një termocentrali gjeotermik, i cili siguron ujë të nxehtë për pjesën më të madhe të gadishullit Reykjanes.
Shumica e banorëve kanë vendosur të largohen për të mos u kthyer më! Islanda ka 33 sisteme vullkanike aktive dhe ndodhet mbi atë që njihet si Kreshta e Mesme të Atlantikut, kufiri midis dy prej pllakave tektonike më të mëdha në planet. Hera e fundit që Gadishulli Reykjanes pati një periudhë aktiviteti vullkanik ishte 800 vjet më pare, dhe shpërthimet vazhduan për dekada.
Ky është tani shpërthimi i shtatë që nga viti 2021 dhe shkencëtarët besojnë se zona po hyn në një epokë të re vullkanike që mund të zgjasë për dekada apo edhe shekuj.
