Bejruti sot po bën bilancin e katastrofës dhe po përpiqet të marrë frymë…
Shpërthimi që ndodhi dje pasdite në zonën e portit të qytetit, ishte i jashtëzakonshëm pasi aty kishte depo që magazinonin eksplozivë.
Kështu raportoi dje agjencia shtetërore e lajmeve “NNA” dhe dy burime të sigurisë.
Një burim i tretë i sigurisë tha se, kishte kimikate të ruajtura në zonë.
Pamjet e shpërthimit të shpërndarë në mediat sociale nga banorët, treguan një kërpudhë tymi, që po ngrihej nga rrethi i portit, i ndjekur nga një shpërthim i jashtëzakonshëm.
Ata që filmuan atë që fillimisht dukej si një flakë e madhe, u hodhën mbrapa nga presioni i valës shpërthyese.
Kryqi i Kuq i Libanit tha që qindra njerëz u dërguan në spitale për trajtim.
Gjenerali i lartë Abbas Ibra Him, drejtues i Sigurisë Gjenerale, është shprehur për mediat libaneze se, me shumë mundësi, burimi i shpërthimit ishte një depo në port, ku mbahej material me rrezikshmëri të lartë shpërthimi.
Nga ana tjetër, drejtori i përgjithshëm i doganave, është cituar të thotë se, nitrati ka qenë shkaku i shpërthimit masiv.
Të paktën 10 trupa u dërguan në spitale, tha një burim sigurie dhe një burim mjekësor për “Reuters”.
/Gazetaatdheu.com/