Shpërthimi në Lushnje, Prokuroria nis hetim për 3 vepra penale

Shpërthimi në Lushnje, Prokuroria nis hetim për…

3 Ditë pas tragjedisë në Lushnje ku nga shpërthimi i fabrikës së deputetit Bujar Çela hubën jetën dy persona babë e bir dhe u plagosën 7 të tjerë, Policia ka referuar këtë të hënë dosjen në Prokurorinë e Fierit për hetime të mëtejshme.

Veprat penale që do të hetohen janë ndërtimi i paligjshëm pasi objekti ku ndodhi ngjarja kishte devijuar nga leja e dhënë, shkatërrimi i pronës nga pakujdesia pasi nga shpërthimi u dëmtuan shumë banesa e biznese, dhe vepra penale e shkejes së rregullave të mbrojtjes në punë, për shkak se u dëmtuan disa punonjës dhe u shkaktuan viktima! Deri në këto momente asnjë person nuk është marrë i pandehur për përgjegjësinë e tragjedisa me dy viktima.

Vinçi që drejtohej nga i ndjeri Roland Hoxha 51-vjeç mbante dy bombla oksigjeni që po i ngjiste në lartësi për të bërë saldim. Njëra prej bomblave është shkëputur duke shpërthyer pasi ka rënë në tokë, teksa nga shpërthimi mendohet të jenë këputur telat e tensionit të lartë 110 kë që kalonin sipër fabrikës, dhe për pasojë të ketë ndodhur shpërthimi. 51-vjeçari ndërroi jetë në vend, ndërsa djali i tij Elidon Hoxha 23-vjeç, fatkeqësisht humbi jetën rrugës për në spital.

Mes të lënduarve ishte dhe deputeti Çela, i cili ndodhet ende në spital bashkë me dy të lënduar të tjerë. Hetimet pritet të zbardhin me detaje se si ndodhi ngjarja, dhe përgjegjësit të dalin para ligjit.

Më Të Klikuarat

Lajmet e fundit