Komisioni i Pavarur i Kualifikimit zhvilloi ditën e sotme për gjyqtarin Aleks Nikolli.
Pas hetimit të skedës së tij, KPK vendosi për shkarkimin e Nikollit.
Trupi gjykues ishte i përbërë nga Brunilda Bekteshi kryesuese, Olsi Komici relator dhe Lulzim Hamitaj anëtar.
Komisioni kishte vënë re pamundësinë financiare për ndërtimin e një hstëpi tre katëshe në fshatin Ishull të Shëngjinit.
Gjyqtari Nikolli ishte pronar i katit të dytë, me 147.8 m2 sipërfaqe.
Po ashtu anëtarët e trupit ngritën dyshime për një kontratë huapërdorjeje reciproke mes gjyqtarit Aleks Nikolli dhe vëllait të tij L.Nikolli që jeton në Mbretërinë e Bashkuar prej më shumë se dy dekadash, lidhur me një apartament të këtij fundit në qytetin e Lezhës dhe shtëpisë së subjektit dhe tokës në fshatin Ishull-Lezhë.
Por problemet e Nikollit nuk mbaruan me kaq, pasi kundër tij u vërejtën dhe shkelje dhe dyshime për veprime fiktive lidhur me blerjen dhe shitjen e një njësie shërbimi 12 m2 në qytetin e Lezhës.
Nga hetimi ka rezutuar se Nikolli e ka blerë këtë pasuri në vitin 2008 për vlerën 1.2 milionë lekë dhe i’a ka shitur në shumën 3.2 milionë lekë vjehrrit të ardhshëm në vitin 2009.
Aleks Nikolli u vu në hetim në vitin 2019, nga ish-Prokuroria e Krimeve të Rënda.
Ai ishte një nga tre gjyqtarët, që zbutën dënimin për Dritan Dajtin. Ky i fundit ishte dënuar përjetë, për vrasjen e 4 policëve, dëshmorëve të Atdheut.
/Gazetaatdheu.com/