Shqipëria vazhdon me një numër shumë të vogël testimesh ditore për koronavirusin, krahasuar me popullsinë.
Ndërsa testimet vijojnë me pikatore, është USAID që ka dhuruar 29 mijë teste për Institutin e Shëndetit Publik.
Është ambasada amerikane nëpërmjet një mesazhi në Facebook, shprehet se USAID ka dhuruar 29 mijë kite testimi.
“USAID/Albania dorëzoi 29,000 komplete testimi në Institutin e Shëndetit Publik, si pjesë e ndihmës së Shteteve të Bashkuara për Shqipërinë, në përgjigje të pandemisë së COVID-19. Që nga shpërthimi i pandemisë, qeveria e Shteteve të Bashkuara të Amerikës ka angazhuar më shumë se 1.5 miliard dollarë ndihmë nëpërmjet Departamentit të Shtetit dhe USAID, posaçërisht me qëllimin për të luftuar pandeminë”, thuhet në mesazhin e ambasadës.
/Gazetaatdheu.com/