Kosova ka refuzuar ofertën e Shqipërisë për të vaksinuar mësuesit e saj me vaksinën kineze Sinovac.
Lajmin e dha Ministri i Shendetesise ne Kosove, Arben Vitia, i cili deklaroi se i ka kërkuar homologes shqiptare vaksinim me Pfizer dhe Astra Zeneca, por fatkeqësisht ato janë mbaruar.
Vitia gjithashtu u shpreh se ligjet në Kosovë e ndalojnë të marrin produkte të regjistruara në EMA, ata janë të detyruar sipas tij të refuzojnë vaksinën kineze.
“Kam kërkuar nga ministrja Manastirliu që të mundësohet vaksinimi i mësimdhënësve. Mirëpo fatkeqësisht në ndërkohë, numri i vaksinave Pfizer dhe AstraZeneca janë hargjuar në Republikën e Shqipërisë dhe kanë ngelur vetëm vaksinat Sinovac me prodhim nga Kina. Dhe për arsye se në Republikën e Kosovës ne edhe po të donim, na ndalojnë ligjet që të importojmë produkte që nuk janë të regjistruara në EMA dhe në këtë situatë, ne nuk e kemi parë të arsyeshme që mësimdhënësit tanë të vaksinohen me vaksinat të cilat ne nuk mund të garantojmë për to. Kjo është arsyeja pse është shtyrë procesi,” deklaroi Vitia.
