Shqipëria renditet e nënta në listën e 100 vendeve që vlerësohen si më të përballueshmet për të huajt që të kalojnë një pension të rehatshëm.
Shumë njerëz kanë punuar pa u lodhur për dekada, në mënyrë që të kenë një pension të kënaqshëm, por me krizën aktuale të kostos së jetesës, ka pasur një rritje të interesit për njerëzit që kërkojnë të lëvizin jashtë vendit, me kërkimet për ‘vendet më të mira për të jetuar pas daljes në pension’ duke u rritur me + 480%, gjatë 12 muajve të fundit.
Kështu ka rezultuar sipas raportit të një kompanie sigurimi britanike,për vendet më të mira ku mund të jetohet pas daljes në pension dhe i referohet vitit 2023.
“Një vend më pak i njohur për daljen në pension është Shqipëria, e cila ofron mjedise të mrekullueshme rurale dhe ka qytete historike që mund t’i shijoni me 2544 orët e tyre vjetore me diell.
Shqipëria është një zgjedhje e shkëlqyer për ata që kërkojnë vlerë për para. Indeksi i tyre i kostos së jetesës qëndron në një nivel të ulët 37.4, me akomodimin që kushton deri në 181.83 £ në muaj dhe kostot e transportit publik mesatarisht janë vetëm 12.08 £”, shkruhet në raport.
Me mbi 100 vende për të zgjedhur, të gjitha me kultura dhe stile jetese të ndryshme, gjetja e vendndodhjes së përsosur për të jetuar ato vite të arta, mund të shkaktojë dhimbje koke për miliona njerëz çdo vit.
