Një iranian i dyshuar për agjenturë kundër muxhahedinëve në Shqipëri, është shpallur ‘non-grata’ nga Shqipëria.
Personi në fjalë quhet Danial Kassrae, me kombësi iraniane, dhe shtetësi italiane.
29-vjeçari dyshohet se është agjent me veprimtari spiunazhi i infiltruar nga Ministria e Inteligjencës Iraniane.
Ai klasifikohet person me rrezik të lartë, dhe cënon sigurinë publike.
Sipas urdhrit të firmosur, atij do t’i ndalohet hyrja në Shqipëri për 15 vitet e ardhshme.
29-vjeçari Danial Kassrae është shfaqur shpesh herë në kampin e Muxhahedinëve në Manzë të Durrësit.
Për llogari të shtetit të Iranit, Kassrae ka tentuar të rekrutojë ish-anëtarë të MEK apo anëtarë aktual të kësaj organizate.
/Gazetaatdheu.com/