![Shqiptarët më të stresuarit në punë, të…](https://tvanews.com/wp-content/uploads/2024/06/MBIPESHA-NE-PUNE-650x365.jpg)
Shqiptarët përjetojnë stresin më të madh në vendin e punës në krahasim me të gjithë të punësuarit e Ballkanit!
Këtë ka arritur të zbulojë një raport i Gallup “State of the Global Workplace”, i cili thotë se 46% e të punësuarve shqiptarë përjetojë stres gjatë përditshmërisë së tyre. Kjo përqindje e rendit vendin tonë të gjashtin në Evropë, pas Qipros, Maltës, Greqisë, Luksenburgut dhe Qipros Veriore.
Vlen të theksohet se në Ballkan jemi më të stresuarit! Në vendet e BE-së, shqiptarët janë të parët që duan të lenë vendin e tyre të punës, të ndjekur nga italianët.
Po sipas të njëjtit raport, 20% e shqiptarëve përjetojnë zemërim në përditshmërinë e tyre dhe sot janë më të zemëruar se para një viti. Ndërsa 19% përjetojnë trishtim!
Duke marrë parasysh të gjithë këto faktorë demotivues të profesionistëve, së fundmi raporti thekson se jemi ndër të fundit në Evropë sa i takon zhvillimit dhe rritjes në vendin e punës. Vetëm 34% përjetojnë një ecuri pozitive në këtë aspekt.