Karabinierët italianë arrestuan dy vrasësit e dyshuar të Avenir Hysaj, muratorit shqiptar 34-vjeçar, i cili jetonte në Bra, i gjetur i vdekur në 19 Mars në një zonë të paarritshme në Pocapaglia.
Hysaj ishte zhdukur të Dielën e 21 Shkurt, ku ishte babai i tij i cili ngriti alarmin për zhdukjen e të birit. Më pas e gjithë familja bëri apel për kërkime dhe në programin televiziv «Chi l’ha visto».
Sipas mediave italiane, Hysaj u gjet i vdekur pas disa javësh. Autopsia zbuloi se burri ishte vrarë me tre të shtëna në kokë.
Dy italianët e arrestuar akuzohen për vrasje dhe janë banorë të zonës së Braidese. Në një shënim, Prokurori Publik i Asti deklaron se shqiptari 34-vjeçar u vra afër “Circolo Arcobaleno”, i drejtuar nga familja Luppino.
