Shqiptari drejtonte organizatën kriminale në Ekuador, policia sekuestron 2.4 ton kokainë

Shqiptari drejtonte organizatën kriminale në Ekuador, policia…

Një megaoperacion anti-drogë është zhvilluar në Ekuador dhe Spanjë, ku janë arrestuar 29 persona për trafik droge dhe pastrim parash prej të paktën 30 milion dollarësh. Siç raportojnë mediat, të arrestuarit rezultojnë të lidhur me një organizatë kriminale të trafikut të drogës, e cila drejtohej nga një shqiptar Dritan Gjika. Dritan Gjika, rezulton i lidhur me biznesmenin ekuadorian Rubén Cherres, i ekzekutuar në prill të vitit 2023, dhe i konsideruar një prej bosëve të kokainës atje. Në shkurt 2023 media ekuadoriane zbuloi dhe skemën si funksionin banda shqiptare në krye të tyre Dritan Gjika, në bashkëpunim me Ruben Cherres dhe sesi kishin ushtruar ndikim për të marrë poste të larta në ministri.

Nga mediat ekuadoriane shkruhej se Cherres dhe Gjika kishin themeluan 13 kompani, shumica prej tyre ndërtimi dhe pasurish të paluajtshme, tetë prej të cilave u krijuan në një ditë të vetme. Ndërkohë Cherres rezultonte të ishte mik i Danilo Carrera, kunati i presidentit Lasso.

Në vitin 2014 Gjika filloi aktivitetin e tij të biznesit. Një nga aktivitetet e tij të para në Ekuador ishte blerja e aksioneve në Cresmark, një eksportues i të gjitha llojeve të produkteve bujqësore si bananet. Në atë firmë, aksioner ishte edhe shqiptari Spahiu Erjon, i cili ia shiti Gjikës aksionet e tij në kompani më 28 janar 2022.

Në rrjetin social “X” policia e Ekuadorit ka publikuar pamjet nga aksioni, ku shihen sasi e madhe parash, vlera e të cilave arrin në 450 mijë euro dhe efektivët përpiqen ta shpërndajnë dhe sistemojnë në parketin e apartamentit. Po ashtu, në pamjet e bëra publike, shihet edhe momenti i arrestimit të disa prej anëtarëve të bandës së drogës. Policia ekuadoriane ka arritur të sekuestrojë 2 ton e 377 kg kokainë; 450.000 euro; 10 armë zjarri; 25 automjete; 22 pasuri të sekuestruara; 27 celulare.

Më Të Klikuarat

Lajmet e fundit