jë tjetër ngjarje e rëndë brenda familjes është regjistruar në Rodhopi të Greqisë, ku protagonistë janë shtetas shqiptarë.
Një 44-vjeçare dyshohet se është vrarë me thikë nga bashkëshorti i saj 58-vjeçar, pas një konflikti familjar. Ngjarja e rëndë ka ndodhur në prani të tre fëmijëve të çiftit, dy prej të cilëve janë 16-vjeçarë, ndërsa tjetri është madhor.
Sipas informacioneve paraprake, çifti ishte përfshirë prej kohësh në debate dhe konflikte. Gjatë sherrit të fundit, për motive që ende nuk janë bërë të qarta, 58-vjeçari ka goditur me thikë bashkëshorten, duke i shkaktuar plagë të rënda që i morën jetën në vend.
Pas ngjarjes, kur ka kuptuar se gruaja kishte ndërruar jetë, 58-vjeçari ka tentuar t’i japë fund jetës duke pirë naftë.
Ai është transportuar me urgjencë në spital, ku po merr trajtim mjekësor dhe raportohet jashtë rrezikut për jetën. Ndërkohë, trupi i 44-vjeçares është dërguar në morgun e spitalit.
Policia greke ka nisur hetimet për zbardhjen e plotë të rrethanave dhe motivit që çoi në këtë tragjedi familjare.
