Një humbje e rëndë ka goditur sot, më 14 maj, komunitetin mjekësor dhe më gjerë: është ndarë nga jeta pediatri i njohur tropojan, Bashkim Nezaj.
Lajmi i ndarjes së tij nga jeta ka prekur zemrat e shumëkujt, pasi mjeku Nezaj u shua pikërisht aty ku ia kushtoi gjithë jetën në vendin e shenjtë të përkushtimit të tij, pranë fëmijëve që kërkonin kujdes dhe shpresë. Ai dha frymën e fundit duke bërë atë që dinte më mirë, duke u shërbyer të vegjëlve me përkushtim, dashuri dhe profesionalizëm.
Humbja e tij lë një boshllëk të madh jo vetëm në mjekësinë shqiptare, por edhe në zemrat e atyre që patën fatin ta njihnin dhe të bashkëpunonin me të.
Në kujtim të një njeriu që jetoi me misionin për të shpëtuar jetë prehu në paqe, doktor Bashkim Nezaj.
