Hoteli më i lartë në botë është në rrugën e duhur për t’u hapur në Dubai në tremujorin e parë të vitit 2024, sipas zhvilluesit First Group me bazë në Emiratet e Bashkuara Arabe. Rreth 365 metra i lartë, hoteli 82-katësh Ciel do të jetë gati në fillim të vitit të ardhshëm.
E projektuar në bashkëpunim me partnerin arkitektonik, NORR, Ciel do të ketë 1042 dhoma, duke përfshirë 150 suita.
Hoteli do të ketë një kuvertë vëzhgimi me pamje panoramike të horizontit të Dubait, Palm Jumeirah dhe Gjirit Arabik në katin e 81-të, si dhe një pishinë në çati dhe bar në katin e 76-të.
“Ne jemi të emocionuar që sjellim Ciel në horizontin e Dubait, një projekt novator që do të ripërcaktojë mikpritjen luksoze dhe do të shfaqë më të mirën e asaj që qyteti ka për të ofruar”, tha CEO i The First Group, Rob Burns.
Një tjetër hotel në Dubai, Gevora Hotel, aktualisht mban rekordin për hotelin më të lartë në botë, me 355 metra. Ndërtesa më e lartë në botë, gjithashtu në Dubai, Burj Khalifa, ngrihet rreth 830 metra nga toka.
