Ministrja e Shëndetësisë, Ogerta Manastirliu ka kujtuar nisjen e betejës me koronavirusin si sot një vit më parë.
Përmes një postimi në rrjetet sociale, ka shkruar se stafet mjekësore kurrë nuk u dorëzuan në këtë vit sfidues të pandemisë.
Sipas saj, me intensifikimin e vaksinimit kundër Covid-19, drita në fund të tunelit sa vjen e qartësohet.
Postimi i plotë:
Si sot një vit më parë, nisi beteja në vijën e parë të frontit e stafeve tona mjekësore në përballje me COVID19, në shërbim të jetës
Megjithë vështirësitë, kurrë nuk u dorëzuan në këtë vit sfidues të pandemisë, që njerëzimi e ndesh një herë në shekull.
T’i ndihmojmë të gjithë bashkë, duke mos e ulur vigjilencën, me durim e sakrificë, ta çojmë deri në fund luftën me armikun e padukshëm.
Sepse drita në fund të tunelit sa vjen e qartësohet, me intensifikimin e vaksinimit antiCOVID.
