Kosova vijon me ritme të frikshme rritjen nga situata e koronavirusit.
16 persona kanë humbur jetën gjatë 24 orëve të fundit në Kosovë, shifra më e lartë e regjistruar.
Ndërkohë, në 480 testime të zhvilluara, 258 persona kanë rezultuar pozitivë.
8104 raste numërohen pozitive në Kosovë që nga fillimi i pandemisë, ndërsa 212 janë viktima.
Gjatë 24 orëve të fundit, 196 pacientë fituan betejën me këtë sëmundje duke dalë negativ.
Njoftim nga IKSHPK:
Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 480 mostra të marra nga ShSKUK dhe gjurmimi i kontakteve të rasteve në terren prej të cilëve rezultojnë 258 raste pozitive.Numri total i rasteve pozitive është 8.104 raste nga 36.050 persona të dyshimtë në virusin SARS-CoV-2, me gjithsej 212 raste të vdekjes të cilët kanë pasur sëmundje të tjera shoqëruese. Gjatë 24 orëve të fundit, janë shëruar 196 pacientë derisa numri i përgjithshëm i të shëruarve deri më sot është gjithsej 4.463 raste, kurse numri i rasteve aktive është 3.429.
/Gazetaatdheu.com/
