Covid-19 ka shkaktuar një tragjedi të vërtetë në Indi, teksa sistemi shëndetësor ndodhet në kolaps për shkak të fluksit të papërballueshëm.
Në ditët e fundit raportohet të jenë gjetur nga banorët qindra trupa të pajetë në brigjet e lumit Gang, që dyshohet se kanë humbur jetën nga koronavirusit.
Meqenëse lumi Gang konsiderohet si i shenjtë nga indianët, trupat e pajetë u dogjën përgjatë tij për të shmangur përhapjen e mëtejshme të pandemisë.
Një gjë e tillë u përgënjeshtru nga autoritetet shtetërore indiane, të cilët pohuan se trupat e viktimave të zbuluara të groposur në rërën e lumit nuk kanë lidhje me pandeminë e Covid-19.
India momentalisht konsiderohet si vendi më i goditur nga vala e dytë e pandemisë, ku mbi 25 milionë persona janë infektuar ndërsa 275 mijë prej tyre kanë humbur jetën.
Megjithatë, autoritetet dyshojnë se numri i viktimave dhe të infektuarve nga koronavirusi mund të jetë disa herë më i lartë.
