QSUT largon nga detyra një tjetër mjek. Doktor Genc Struga është pushuar nga puna me argumentin se nuk ka qenë prezent në vendin e punës.
Vendimi nga QSUT me firmën e drejtorit Enkelejd Joti është marrë në 11 nëntor të vitit 2020, por është bërë publik në janar 2021.
Mjeku Ilir Allkja, i cili po ashtu u pushua nga puna në fund të vitit të kaluar, ka publikuar dokumentin e QSUT për largimin e kolegut të tij.
Në vendim thuhet se Struga u shkarkua se nuk ishte prezent në punë, por Allkja shprehet se doktori ishte për një trajnim sipas rregullave të institucionit në Londër.
“Shkarkohet doktori në nëntor, bëhet me dije në janar. Pushohet me nje vendim të jashtëligjshëm Dr. Genc Struga , një ndër neulogjistët më të talentuar të Shqipërisë, i vetmi Fellowi European Stroke nga Shqiperia dhe member i Royal College of Physician, London! Gjithcka ka ndodhur ndërsa doktori ishte për një trajnim sipas rregullave të institucionit në Londër. Ju bëj thirrje gjithë kolegëve të reagojnë, nesër do të jetë vonë!
Ju bëj thirrje gjithë shqiptarëve të zgjohen, janë ata që do ti paguajnë mijëra e mijëra euro si dëmshpërblim për mjekët e lincuar e shkarkuar pa ligj! Mjaft më me indiferencë , bindjet partiake duhet të zerohen përballë shkatërrimit të vendit! “Vrasja” profesionale e mjekëve nga qeveria e papërgjegjshme socialiste do ti kushtojë fort Shqipërise” shkruan Allkja.
burimi boldnews
