SPAK i kërkon Kuvendit t’u heq mandatin dy deputetëve Fatmir Mediu dhe Alqi Bllako. Bëhet me dije se një kërkesë e tillë ndodhet në zyrën e Lindita Nikollës dhe pritet një përgjigje për SPAK, që mund t’i hapë rrugë arrestimit të dy politikanëve.
Mësohet se Prokuroria Speciale ka kërkuar heqjen e mandatit për kryetarin e Partisë Republikane, deputetit Fatmir Mediu. Ky i fundit është nën hetim pas rihapjes së dosjes së Gërdecit.
Jo vetëm kaq. Kërkohet heqja e imunitetit dhe për Alqi Bllakon. Sipas SPAK, Bllako është hetuar për përfshirjen në çështjen e inceneratorëve. Përmendim se prej muajsh deputeti Fatmir Mediu ka nisur një “betejë” me drejtësinë, pasi familjarët e viktimave të Gërdecit kanë kërkuar rihapjen e hetimeve ndaj tij.
Ata e akuzojnë Mediun si përgjegjës për tragjedinë.