Mediet spanjolle kanë raportuar se Spanja do t’i rihapë kufijtë nga 21 qershori për vendet që janë pjesë e Zonës Schengen, ndërsa kufiri me Portugalinë pritet të hapet nga 1 korriku.
Qeveria spanjolle më parë ka thënë se do ta lejojë hyrjen e turistëve të huaj në vend duke filluar nga 1 korriku pa vetizolim, shkruan “Reuters”.
Ekonomia e Spanjës është shumë e varur nga turizmi dhe mbyllja e kufirit gjatë sezonit veror do të nënkuptonte humbje të mëdha financiare për vendin e Evropës jugperëndimore.
Spanja është në mesin e shteteve me më së shumti të infektuar dhe të vdekur nga Covid-19 në Evropë dhe në botë. Deri më tani, në këtë vend janë shënuar 27,136 viktima dhe mbi 290 mijë persona të infektuar.
Qeveria spanjolle disa herë e ka kërkuar nga kuvendi vazhdimin e afatit të gjendjes emergjente për shkak të frikës nga përhapja e virusit të ri.
