Sportisti Dwyane Wade zbuloi se ai shiti shtëpinë e tij, që e zotëronte prej më shumë se një dekade në Florida, sepse ai besonte se shteti nuk po e pranonte fëmijën e tij transgjinor. Në vend të kësaj, ai tani po jeton në Kaliforni me kohë të plotë.
Ish-basketbollisti 41-vjeçar dhe gruaja e tij, aktorja Gabrielle Union, e shitën shtëpinë e tyre buzë detit në Miami për 22 milionë dollarë në vitin 2021. Shitja erdhi gati dy vjet pasi u shfaq për herë të parë në treg me 32.5 milionë dollarë. Por pa asnjë ofertë, çifti u detyrua të ulte çmimin me afro 10 milionë dollarë.
Ata ende përfunduan duke u larguar me një fitim të madh. Wade dhe Union, 50 vjeç, blenë shtëpinë në vitin 2010 për 10.6 milionë dollarë. E përbërë nga gjashtë dhoma gjumi dhe 9.5 banja, prona zë 11,690 metra katrorë dhe ndodhet në majën veriore të Miami Beach.
‘Aksesorët’ në natyrë përfshijnë një pishinë të madhe buzë detit, një kabane, një bar në natyrë dhe një zonë Barbecue. Ka gjithashtu një fushë basketbolli të bërë me porosi, një fushë tenisi, një port anijesh private dhe një oborr të rregulluar. Karakteristika të tjera përfshijnë një sallon flokësh, një dhomë fitnesi dhe një sallë teatri në shtëpi./ NYP
