Një histori që po bën bujë në rrjetet sociale vë përballë dy botë: miliarda dollarë dhe bindjet e patundura personale. Sipas raportimeve jozyrtare, CEO i Apple dhe figurë e njohur e komunitetit LGBT, Tim Cook, i ka ofruar kampionit të UFC-së, Islam Makhachev, një kontratë marramendëse prej 199 milionë dollarësh. Kushti? Pjesëmarrja në reklama që promovojnë kauzat pro-LGBT në çdo event ku ai lufton.
Por përgjigja e Makhachev, një fjali e vetme, e thjeshtë dhe e fuqishme, ka bërë xhiron e botës:
“Feja ime udhëheq rrugën time, jo paratë.”
Kaq ka mjaftuar që emri i tij të shpërthejë në debate globale nga sporti, te feja, politika dhe etika. Për disa, kjo ishte një dëshmi krenarie, qëndrueshmërie dhe respekti ndaj vetes e bindjeve të tij. Për të tjerë, një rast i humbur për të ndërtuar ura mes kulturave dhe komuniteteve.
Në një kohë kur sporti është gjithnjë e më shumë i ngatërruar me kauza, tregti dhe presione publike, qëndrimi i Makhachev vjen si një kujtesë e rrallë se jo gjithçka ka një çmim.
